Það styttist í jólin og nóg að gerast í Strandabyggð eins og sjá má á meðfylgjandi mynd. Senda má upplýsingar um viðburði á skrifstofa@strandabyggd.is og við bætum því inn.

Kaupfélagið tilkynnti um atburði tengda 120 ára afmæli félagsins 29.desember n.k. en þá verður haldið upp á daginn og boðið upp á veitingar og tónlistaratriði.  Einnig verður dregið úr jólahappdrætti Kaupfélagsins þann dag en ekki á Þorláksmessu eins og venja hefur verið. Dagskráin hefst kl. 15.00

  Hér er hægt að sækja dagatalið í stærri útgáfu á pdf formi

Sveitarstjórnarfundur 1283 í Strandabyggð

Fundur nr. 1283 í sveitarstjórn Strandabyggðar verður haldinn þriðjudaginn 11. desember kl 16:00 í Hnyðju.

 

 

Fundardagskrá er svohljóðandi:

 

1. Fjárhagsáætlun 2019 seinni umræða
2. Fjárhagsáætlun 2020-2022 seinni umræða
3. Gjaldskrár 2019
4. Samþykktir viðauka við fjárhagsáætlun 2018
5. Fundargerð US nefndar frá 3.12.18
6. Fundargerð TÍM nefndar frá 6.12.18
7. Fundargerð FRÆ nefndar frá 10.12.18
8. Forstöðumannaskýrslur
9. Ársreikningur Fiskmarkaðs Hólmavíkur
10. Viðauki við fjárhagsáætlun, erindi frá Samgöngu-og sveitarstjórnarráðuneyti

 

 

Gert er ráð fyrir að eftirtaldir sveitarstjórnarmenn sitji fundinn:

Aðalbjörg Sigurvaldadóttir

Eiríkur Valdimarsson

Guðfinna Lára Hávarðardóttir

Ingibjörg Benediktsdóttir

Jón Gísli Jónsson

Gísli Sverrir Halldórsson dýralæknir í Búðardal, sinnir hreinsun á hundum miðvikudaginn 5. desember n.k. í Áhaldahúsinu milli kl. 16 og 18.  Kattareigendur eru einnig minntir á nauðsyn þess að láta hreinsa ketti sína en það er þó ekki innifalið í leyfisgjaldi. Hunda og kattaeigendur í Strandabyggð eru hvattir til að mæta og nýta sér þjónustuna.

 

Allir hundar og kettir innan þéttbýlis skulu skráðir og bera merkingar skv. reglugerð um hunda og kattahald sem finna má á vef Strandabyggðar.  Skylt er að færa hunda og ketti til hreinsunar árlega.

 

Þeir sem óska eftir annari dýralæknisþjónustu er velkomið að hafa samband við Gísla  í síma : 434-1122 eða 862-9005.

 

Föstudaginn 30.nóvember verður lokað á skrifstofu Strandabyggðar frá kl. 12.00 vegna útfarar Sigurðar Atlasonar

Íþróttamiðstöðin óskar eftir afleysingafólki til starfa sem fyrst.   Um er að ræða lifandi og skemmtilegt starf sem felst meðal annars í afgreiðslu, baðvörslu, sundlaugarvörslu, þrifum, umsjón með tjaldstæði og öðrum tilfallandi verkefnum. Starfsmaður þarf að geta hafið störf sem fyrst. Gerð er krafa um búsetu í Strandabyggð. Unnið er á vöktum. Gerð er krafa um jákvæðni og ríka þjónustulund, stundvísi, dugnað, sjálfstæð vinnubrögð og kunnáttu í erlendum tungumálum. Í reglugerð nr. 814/2010 um hollustuhætti á sund- og baðstöðum kemur fram að starfsmenn sem sinna laugargæslu skuli hafa náð 18 ára aldri og standast eftirfarandi hæfnispróf sjá nánar um starfið hér undir liðnum sumarstarf í íþróttamiðstöð.  Umsóknum má skila á skrifstofu Strandabyggðar eða Íþróttamiðstöðvar fyrir 30. nóvember og nálgast má umsóknir hér.