Fræðslufundur um svefn verður haldinn í Hnyðju á Hólmavík mánudaginn 30. apríl kl. 17:00. Í þessum fyrirlestri verður fjallað um mikilvægi svefns fyrir andlega og líkamlega heilsu með sérstakri áherslu á svefn meðal barna og unglinga. 

Fyrirlesari  er Dr. Erla Björnsdóttir. Erla er sálfræðingur sem hefur sérhæft sig í rannsóknum og meðferð svefnvanda og gaf nýlega út bókina Svefn. Erla vinnur við rannsóknir á svefni við Háskóla Íslands og rekur Sálfræðiráðgjöfina þar sem hún aðstoðar fólk sem glímir við svefnvanda. Fyrirlesturinn er í boði Félagsþjónustunnar.

Gísli Gunnlaugsson byggingafulltrúi Strandabyggðar verður með viðveru í Hnyðju miðvikudaginn 18.apríl n.k. milli 10 og 12. Tilvalið fyrir framkvæmdaglaða og aðra sem þurfa á þjónustunni að halda að líta við og hitta hann.

Strandabyggð óskar eftir fólki til að annast slátt og hirðingu á grænum svæðum á Hólmavík.  Áhugasömum er bent á að senda inn umsókn á strandabyggd@strandabyggd.is og er frestur til og með 20. apríl n.k.   Nánari upplýsingar gefur Sigurður Marinó forstöðumaður Áhaldahúss í s. 894-4806

Sveitarstjórnarkosningar verða haldnar 26. maí 2018. Væntanlegir frambjóðendur hafa að mörgu að hyggja, en á meðfylgjandi vefslóð má finna helstu leiðbeiningar. Rétt er að vekja athygli á að framboðsfrestur rennur út kl. 12 á hádegi þann 5. maí 2018. https://www.stjornarradid.is/verkefni/kosningar/sveitarstjornarkosningar-2018/“

Formaður kjörstjórnar Strandabyggðar 
Viktoría Rán Ólafsdóttir

 

...
Meira