Námskeið í postulínsmálun verður haldið í Félagsheimilinu á Hólmavík 20.-21.október næstkomandi. Námskeiðið er 12 klst. og þátttaka kostar kr. 13.000.- Leiðbeinandi á námskeiðinu er Ninna, en hún hélt samskonar námskeið á Hólmavík haustið 2011. Áhugasamir eru hvattir til að skrá sig sem fyrst, en skráningu lýkur fimmtudaginn 18.október nk.

Skráning og allar aðrar upplýsingar fást hjá Ingu Sig í s. 847-4415 eða í netfangið ingasig@holmavik.is.

Í dag er bleiki dagurinn, en þá eru landsmenn hvattir til að klæðast einhverju bleiku eða hafa litinn í öndvegi. Í tilefni af þessum fallega degi hefur vefsíða Strandabyggðar verið lituð fagurbleik og verður þannig út október. Tilgangur bleika dagsins er að sýna samstöðu í baráttunni gegn krabbameini hjá konum, en í október ár hvert leggur Krabbameinsfélagið áherslu á þessa baráttu með því að selja Bleiku slaufuna um allt land.

Fræðast má nánar um Bleiku slaufuna með því að smella hér. Árlegur meðalfjöldi krabbameina hjá íslenskum konum er um 660, þar af greinast um 190 krabbamein í brjóstum.

Strandabyggð hvetur íbúa sveitarfélagsins - og landsmenn alla - til að sameinast í baráttunni, kaupa Bleiku slaufuna og hafa bleika litinn í fyrirrúmi í október.

Kjörskrá liggur frammi til kynningar í afgreiðslu Strandabyggðar í Hnyðju fram að kjördegi en einnig getur fólk farið inn á slóðina http://www.kosning.is/thjodaratkvaedagreidslur2012/kjorskra/ til að kynna sér hvar það er skráð....
Meira

Sveitarstjórnarfundur nr. 1201 í Strandabyggð verður haldinn þriðjudaginn 9. september nk. Fundurinn verður haldinn í Hnyðju að Höfðagötu 3 á Hólmavík og hefst kl. 16:00.

Dagskrá fundarins má sjá með því að smella hér.

Laugardaginn 6. október fer fram lokapunktur Heilsueflingar í Strandabyggð. Þá fer fram hlaup fyrir alla aldurshópa á vegum Umf. Geislans, en Hildur Emilsdóttir heldur utan um skráningu (á facebook eða í s. 692-7260) og skipulagningu. Hægt er velja um tvær vegalengdir. 

10 km. hlaup hefst kl. 9:30 við Íþróttamiðstöðina á Hólmavík. Hlaupið verður að Þiðriksvalladal og aftur til baka með tímatöku. Þá hefst skemmtiskokk kl. 11:00 við Íþróttamiðstöðina. Farið verður niður Hafnarbraut, hringur tekinn í gamla bænum og síðan aftur að Íþróttamiðstöðinni. Að sjálfsögðu er líka hægt að rölta í skemmtiskokkinu. Hressing verður í boði fyrir alla sem taka þátt. Strandamenn eru hvattir til að skella sér út og hlaupa, skokka eða ganga!