Óskað er eftir tilboði í gerð á nýjum steyptum inngangi við félagsmiðstöðina í félagsheimilinu á Hólmavík.
Tengja þarf niðurfall í neðri plötu við frárennslislögn á staðnum, setja takkadúk á nýja veggi inngangsins ásamt útvegg hússins til norðurs. Sjá teikningu, og ef frekari upplýsingar þarfnast má hafa samband við byggingarfulltrui@strandabyggd.is

Tilboð óskast send fyrir 6.júní n.k á netfangið strandabyggd@strandabyggd.is

Samkvæmt upplýsingum frá kjörstjórn Strandabyggðar var lítið um yfirstrikanir í kosningum til sveitarstjórnar laugardaginn 14. maí og höfðu ekki áhrif til breytinga. Eitthvað var um að frambjóðendur væru færðir til um sæti en hafði heldur ekki áhrif á sæti þeirra.

Á A-lista var það Matthías Lýðsson oddviti A-lista sem fékk flestar útstrikanir eða 5. Hlíf Hrólfsdóttir fékk 2 útstrikanir og Guðfinna Hávarðardóttir og Ragnheiður Ingimundardóttir fengu 1 útstrikun hvor.

Sex frambjóðendur T-lista fengu útstrikanir. Þorgeir Pálsson, oddviti flokksins, fékk 1 útstrikun, Jón Sigmundsson fékk 6 útstrikanir,  Sigríður Jónsdóttir 2 útstrikanir.

...
Meira

Það verður nóg um að vera fyrir börn í Strandabyggð í sumar.

Fyrir unglinga verður Vinnuskóli, hálfan daginn í tvær vikur fyrir þau yngstu og allt upp í fullan vinnudag allt sumarið. Auk þess verða æfingar á vegum Geislans. Skapandi sumarstörf verða í boði og er um að ræða Tónlistarsmiðju með Óliver Bernburg, teikninámskeið með José Javier Minguez og þátttaka í vinnu við skúlptúraslóð.

Í júní verður fjölbreytt sumarstarf í boði fyrir yngri börn á grunnskólaaldri. Félagsmiðstöðin Ozon, Ungmennafélagið Geislinn og  Náttúrubarnaskólinn standa saman að því að bjóða upp á fjölbreyttan og skemmtilegan samfelldan dag frá 8:30-16 dagana 7.júní - 1. júlí. Börn geta skráð sig viku í senn og toppleiðbeinendur verða á öllum námskeiðshlutum og njóta aðstoðar stuðningsfulltrúa og vinnuskólanemenda eftir atvikum.

Gjaldtaka verður á námskeiðunum en alltaf er niðurgreitt að hluta fyrir börn foreldra með lögheimili á svæðinu. 

Skráningarform er hér og er frestur til að skila inn skráningu til og með 29. maí 2022

Umsjón sumarnámskeiða er í höndum Íþrótta- og tómstundafulltrúa í samvinnu við  Náttúrubarnaskólann, Umf Geislann og Hallberu Gunnarsdóttur og Ólivers Bernburg en Óliver er íslenskur tónlistarmaður búsettur í Danmörku og ætlar hann að starfa hjá okkur í maí og júní, hér má kynna sér hljómsveitina hans Aufori. Fyrstu þrjá dagana mun Margrét Hrafnsdóttir sjá um úti- og tónlistarsmiðjuna en Margrét er óperusöngkona og leiðsögumaður og hér má lesa meira um hana.

Starfsmaður óskast í félagslega heimaþjónustu í Strandabyggð og á Reykhólum

 

Starfsmaður óskast í sumarafleysingar í félagslega heimaþjónustu í Strandabyggð. Einnig vantar starfsmann í félagslega heimaþjónustu á Reykhólum.

Umsóknarfrestur er til og með 27. maí 2022.

Laun eru samkvæmt taxta Verk-Vest

Umsóknir sendist Soffíu Guðmundsdóttur, félagsmálastjóra, Hafnarbraut 25, 510 Hólmavík.

Upplýsingar eru veittar í síma 451-3510 og fyrirspurnir og umsóknir má einnig senda á felagsmalastjori@strandabyggd.is

Sveitarfélagið Strandabyggð auglýsir laust starf í Áhaldahúsi Strandabyggðar a.m.k til 30. September n.k. með möguleika á framlengingu.

Um er að ræða afar fjölbreytt og krefjandi starf þar sem Áhaldahús Strandabyggðar er með ábyrgð á eftirfarandi verkefnum:
- Vatnsveitu
- Fráveitu
- Umsjón og viðhaldi fasteigna
- Hólmavíkurhöfn
- Sorpsamlag 
- Umsjón með snjómokstri og söltun á Hólmavík
- Þjónusta stofnanir Strandabyggðar
- Fjölbreytt verkefni sem til falla

Menntunarkröfur
Kostur er að starfsmaður sé með eftirfarandi:
- Iðnmenntun
- Meirapróf ásamt auknum réttindum á krana 
- Vigtarréttindi

Leitað er eftir starfsmanni með ríka þjónustulund og góða samskiptahæfni. Mikilvægt er að starfsmaður sé skipulagður og geti tileinkað sér sjálfstæð vinnubrögð.

Umsóknarfrestur er til og með 30. maí nk og þarf umsækjandi að geta byrjað sem fyrst. Umsóknum ásamt ferilskrá ber að skila í netfangið strandabyggd@strandabyggd.is eða á skrifstofu Strandabyggðar að Höfðagötu 3.

Nánari upplýsingar um starfið veitir Sigurður Marinó Þorvaldsson verkstjóri Áhaldahúss Strandabyggðar í síma 8944806.