Starfsfólk óskast í vaktavinnu í skammtímavistun hjá einstakling á Reykhólum þar sem unnið verður í þrjár vikur í september.

Mjög skemmtilegt og krefjandi starf í fallegu og rólegu umhverfi.

Umsóknarfrestur er til og með 26. ágúst 2022.

Umsóknir ásamt fylgigögnum sendist Soffíu Guðmundsdóttur, félagsmálastjóra, Hafnarbraut 25, 510 Hólmavík.

Upplýsingar eru veittar í síma 451-3510 og fyrirspurnir og umsóknir má einnig senda á felagsmalastjori@strandabyggd.is

Hér er tengill á sveitarstjórnarfund 1335 hjá sveitarstjórn Strandabyggðar, sem haldinnn er í dag, 9.8 kl 16:00 í Hnyðju.

Kæru íbúar Strandabyggðar, 

Eins og sumir tóku eftir, fengum við góða heimsókn í dag. Skemmtiferðaskipið Greg Mortimer, frá fyrirtækinu Aurora Expeditions, lagðist við akkeri rétt fyrir utan höfnina.  Gúmíbátar ferjuðu talsverðan fjölda gesta í land, sem gengu um götur Hólmavíkur, fóru á Galdrasafnið ofl.  Skipið, sem er nýlegt, smíðað 2019, er í sinni fyrstu ferð til Íslands.  Héðan fer það inn á Eyjafjörð og heimsækir Akureyri.  Skip af þessari stærðargráðu getur hæglega heimsótt Hólmavík og lagst að bryggju og nú vinnum við saman að því að svona heimsóknir verði mun algengari á næstu árum.  Tækifærið er til staðar.

Framundan er mjög efnismikill sveitarstjórnarfundur þann 9.8. n.k., þar sem m.a. verður tekið fyrir erindi um hugsanlega hótelbyggingu á Hólmavík.  Það er mjög jákvætt og ánægjulegt að þetta erindi sé komið inn á borð sveitarstjórnar, því hótelbygging hér myndi breyta mjög miklu hvað varðar stöðu Strandabyggðar í ferðaþjónustu, ráðstefnuhaldi og viðburðastjórnun.  Slíkri byggingu fylgja að auki margvísleg hliðaráhrif og má þar kannski fyrst nefna eftirspurn eftir húsnæði, þjónusta iðnaðarmanna ofl. 

Strandabyggð vinnur nú að endurskoðun á aðalskipulagi þar sem við þurfum að horfa fram í tímann, hugsa stórt og reyna að sjá fyrir okkur Strandabyggð eftir tugi ára.  Í endurnýjuðu aðalskipulagi þarf að gera ráð fyrir aukinni íbúðabyggð, stærra iðnaðarsvæði og hugsanlegu hóteli, þannig að tímasetning þessa erindis er sérlega góð og felur í sér mikið og margþætt tækifæri.

Verum jákvæð og leyfum okkur að hugsa fram í tímann.  Það er ávísun á framþróun.

Góða helgi!

Kveðja

Þorgeir Pálsson

oddviti

Leikskólinn Lækjarbrekka verður opnaður klukkan 11, mánudaginn 8. ágúst að loknu sumarleyfi. Vel hefur gengið að manna stöður í skólanum og starfsfólk hlakkar til að hitta börnin og hefja starfið.
Tölvupóstur með nánari upplýsingum hefur verið sendur til foreldra sem eru beðnir að láta vita ef börnin verða áfram í fríi eða  einhverja daga.  
Leikskóladagatalið 2022-2023 má finna hér.

Fundur nr. 1335 í sveitarstjórn Strandabyggðar verður haldinn þriðjudaginn 9. ágúst kl. 16.00 í Hnyðju Höfðagötu 3, Hólmavík.

Fundardagskrá er svohljóðandi:

1. Prókúra fyrir Strandabyggð og áreiðanleikakönnun sveitarstjórnarmanna
2. Eftirlitsnefnd sveitarfélaga bréf v. ársreiknings 2021
3. Ráðningarsamningur sveitarstjóra m.undirritun og verkefnaskýrsla
4. Skipun í nefndir á vegum Strandabyggðar
     a. Fulltrúar í undirbúningsnefnd vegna aðalskipulags
     b. Varamaður í Svæðisskipulag Dalabyggðar, Strandabyggðar- og Reykhóla
     c. Fulltrúi og varamaður í fulltrúaráð umhverfisvottunar Vestfjarða
     d. Varamenn í kjörstjórn Strandabyggðar
     e. Fulltrúi og varamaður í Brunavarnir Dala, Reykhóla- og Stranda
     f. Fulltrúi og varamaður í stjórn Fiskmarkaðs Hólmavíkur
     g. Fulltrúi og varamaður í stjórn Hornsteina
5. Samfélagssáttmáli um styrkveitingar
6. Réttarsmíði í Staðardal, í landi Hrófbergs, samningur við landeigendur
7. Fjallskilaseðill 2022
8. Erindi frá Galdur brugghús ehf. varðandi tímabundinn stuðning við nýja starfsemi
9. Umsókn um vilyrði fyrir lóð undir hótelstarfsemi, erindi Friðjóns Sigurðarsonar frá 1. júlí 2022
10. Skipulagsstofnun, beiðni um umsögn Strandabyggðar v. strandsvæðisskipulags Vestfjarða
11. Minjastofnun stefnuskjal um verndun og rannsóknir á fornleifum ásamt minnisblaði um bátaarfinn
12. Samþykkt vegna stöðu sauðfjárræktar
13. Erindi frá Náttúrustofu Vestfjarða vegna endurútreiknings v. 2021
14. Tillaga að aðalskipulagi Reykhólahrepps, 2022-2034, til umsagnar
15. Tillaga að aðalskipulagi Dalabyggðar, 2020-2032, til umsagnar
16. Breyting á aðalskipulagi Kaldrananeshrepps 2010-2030, til umsagnar
17. Fundargerð Brunavarna Dala, Reykhóla- og Stranda frá 20. júní 2022
18. Ársfundur Starfsendurhæfingar Vestfjarða 1. júní 2022 ásamt ársreikningi
19. Ársreikningur BS vest 2021 ásamt tillögu að breytingu á samþykktum
20. Vestfjarðastofa, fundargerðir 45 og 46, frá 27.apríl 2022 og 1.júní 2022
21. Vestfjarðastofa, framhaldsársfundur 27. apríl 2022
22. Vestfjarðastofa, fundargerð ársfundar 14. júní 2022
23. Fulltrúaráð Vestfjarðarstofu fundargerð 14. júní 2022
24. Bókun bæjarstjórnar Vestmannaeyja um um stöðu heilsugæslustöðva á landsbyggðinni, til kynningar
25. Samband íslenskra sveitarfélaga, stjórnarfundir 910 frá 20. maí 2022 og 911 frá 23. júní, til kynningar
26. Landsþing Sambands sveitarfélaga 28.-30. september 2022
27. Hafnarsamband Íslands stjórnarfundur nr. 444 frá 14. júní 2022
28. Hafnarsamband Íslands boðun á hafnasambandsþing í Ólafsvík 27.-28. október 2022

 

Gert er ráð fyrir að eftirtaldir sveitarstjórnarmenn sitji fundinn:
Þorgeir Pálsson
Jón Sigmundsson
Grettir Örn Ásmundsson
Matthías Sævar Lýðsson
Hlíf Hrólfsdóttir


Stefnt er á að streyma fundinum á eftirfarandi slóð (verður birt hér fyrir fundinn)

Strandabyggð 5. Ágúst 2022
Þorgeir Pálsson, Oddviti.