Sveitarstjórnarfundur 1315 í Strandabyggð

Fundur nr. 1315, í sveitarstjórn Strandabyggðar verður haldinn þriðjudaginn 9. mars 2021 kl 16.00 í Hnyðju.

 

Fundardagskrá er svohljóðandi:

 

1. Samningur við samgöngu- og sveitarstjórnarráðuneytið
2. Forstöðumannaskýrslur og verkefni sveitarstjóra
3. Nefndarfundir
   1. Ungmennaráð, 24.02.21
   2. Velferðarnefnd, 01.03.21
   3. Umhverfis- og skipulagsnefnd, 08.03.21
   4. Atvinnu-, dreifbýlis- og hafnarnefnd, 08.03.21
4. Styrkumsókn frá Strandagaldri
5. Umsókn um skólavist í öðru sveitarfélagi
6. Minnisblað frá skrifstofustjóra, vegna styttingar vinnuviku, afgreiðsla sveitarstjórnar
7. Drög að reglum um birtingu fundargagna
8. Sterkar Strandir, fundargerð staðarfundar frá 28.01.21 – til kynningar
9. Vestfjarðastofa, stjórnarfundur nr. 33, frá 27.01.21 – til kynningar
10. Samband íslenskra sveitarfélaga – fundargerð 895, frá 26.02.21 – til kynningar
11. Samband íslenskra sveitarfélaga – staðfesting á þátttöku í starfrænu verkefni
12. Samtök sjávarútvegssveitarfélaga, fundargerðir 61 og 62 frá 08.02.21 og 22.02.21 – til kynningar
13. Hafnarsamband Íslands – fundargerð 432 frá 19.02.21– til kynningar.

 

 

Gert er ráð fyrir að eftirtaldir sveitarstjórnarmenn sitji fundinn:

Jón Gísli Jónsson

Ásta Þórisdóttir

Eiríkur Valdimarsson

Guðfinna Lára Hávarðardóttir

Pétur Matthíasson

 

Reykhólahreppur óskar eftir að ráða tvo sumarstarfmenn í 75-100% starf á Reykhólum við að sinna stuðningsþjónustu hjá 14 ára stúlku, í júní, júlí og ágúst. Vinnutími væri mánudaga til föstudaga frá 9:00-15:00.

Mjög skemmtilegt og krefjandi starf sem gæti hentað vel fyrir vinkonur eða par.

Möguleiki er á 100% starfi innan hreppsins og hjálp við að finna hentugt húsnæði ef starfsmenn óska þess.

Umsóknarfrestur er til og með 31. mars.

Laun eru samkvæmt taxta Verk-Vest.

Umsóknir sendist Soffíu Guðmundsdóttur, félagsmálastjóra, Hafnarbraut 25, 510 Hólmavík. Upplýsingar eru veittar í síma 451-3510 og fyrirspurnir má einnig senda á felagsmalastjori@strandabyggd.is

7.-10. bekkur í Félagsmiðstöðinni Ozon var með söfnun fyrir Kvennaathvarfið 25. febrúar síðastliðinn. Við vorum með góðgerðarkvöld  á Hörmungardögum sem er hátíð haldin á Hólmavík þegar að við erum með alls konar skemmtanir tengdar hörmungum alls staðar í heiminum. 

Við gerðum live stream á Facebook og fengum áheiti í gegnum skilaboð þar og á Instagram. Fyrir hverja áskorun sem við fengum á okkur og uppfylltum þá þurfti manneskjan sem skrifaði áskorunina að leggja inn á okkur upphæð sem viðkomandi bauð uppá.

Stebbi Music Band, sem er hljómsveit í Ozon, spilaði á live streyminu og Svavar Knútur spilaði og söng líka. Við sýndum einnig aðstöðuna hjá okkur í Ozon. 

Við fengum 42.000 krónur frá áheitum í athugasemdum á streyminu, það var hægt að leggja meira inn á okkur fram eftir helgi og í allt í allt fengum við 80.000 sem fer beint til Kvennaathvarfsins. 

Konur sem eru beittar ofbeldi að hálfu núverandi eða fyrrverandi sambýlismanns síns eru velkomnar í athvarfið ásamt börnunum sínum. Aðstandendum kvennanna og fjölskyldumeðlimum er einnig velkomið að hafa samband við athvarfið til að fá ráðgjöf og/eða stuðning. Það eru u.þ.b. 20 konur og börn sem búa í athvafinu.

F.h. Ozonráðs,
Unnur Erna Viðarsdóttir

Hörmungardagar gengu stórslysalaust fyrir sig og var aflétt með Strandapeppi Pálmars seinnipart sunnudags.

Á síðustu Hörmungardögum greindist fyrsta kórónuveirusmitið á Íslandi og ákveðnar áhyggjur voru uppi um að gos myndi hefjast í tengslum við hátíðina þetta árið en við sluppum með skrekkinn.

Nú er tímabært fyrir íbúa að reima á sig skíðaskóna og bíða eftir snjónum því um miðjan mars er Strandagangan á dagskrá. Í lok mars verður svo Húmorsþing í Hátíðarbænum Hólmavík þar sem hátíð verður haldin í hverjum mánuði árið 2021....
Meira

Fimmtudagur 25. feb.
20:00 Lifandi streymi frá Ozon: Söfnun fyrir Kvennaathvarfið

Föstudagur 26. feb.
12:15 Hvatastöðin stendur fyrir Dansað gegn ofbeldi í Hnyðju að fyrirmynd UN Women - öll velkomin
12:30-15:00 Opið hús í Þróunarsetrinu á Hólmavík - Höfðagötu 3
13:00 Rannsóknasetur HÍ á Ströndum með upplestur á margvíslegum Strandahörmungum í beinni á vefnum
19:00 Draugaganga út í Orrustutanga frá Sauðfjársetrinu (ekki fyrir mjög ung börn og viðkvæmar sálir)
21:00 Hörmungarkviss á vegum Galdrasýningarinnar, Arnar S. Jónsson sér um spurningarnar á Zoom og Kahoot!...
Meira