Jólatónleikar Tónskólans á Hólmavík verða mánudaginn 14. desember kl. 19.30 í Hólmavíkurkirkju.

Allir hjartanlega velkomnir.

 

Nú er í annað skipti auglýst eftir styrkumsóknum til Uppbyggingarsjóðs Vestfjarða sem rekinn er innan vébanda sóknaráætlunar landshlutans og er í umsjón Fjórðungssambands Vestfirðinga. Uppbyggingarsjóður veitir styrki til menningarverkefna, atvinnuþróunar- og nýsköpunar, auk stofn- og rekstrarstyrkja til menningarstofnanna. Uppbyggingarsjóður varð til með samningi ríkis og Fjórðungssambands Vestfirðinga um Sóknaráætlun Vestfjarða 2015-2019 sem undirritaður var 10. febrúar 2015. Umsóknarfrestur er til og með föstudeginum 22. janúar 2016....
Meira

Eins og tilkynnt var í gær þá fellur skólahald niður í dag í Grunnskólanum á Hólmavík. Vegir í sveitum eru merktir flughálir og fjallvegir lokaðir og hálka er á götum innanbæjar á Hólmavík. Leikskólinn hefur hinsvegar opnað og tekur á móti börnum frá kl. 8:30. Fólk er minnt á að fara varlega.

Allt skólahald fellur niður á morgun, þriðjudaginn 8. desember, bæði í Grunn- og tónskóla Hólmavíkur sem og Leikskólanum Lækjarbrekku á Hólmavík. Þessi ákvörðun hefur verið tekin í ljósi mjög vondrar veðurspár. Skólastjórnendur hafa sent tilkynningar til foreldra skólabarna vegna þessa....
Meira

Vegna slæmrar veðurspár hefur komu Magnúsar verið frestað um óákveðinn tíma.

Magnús Baldursson sálfræðingur verður á Hólmavík þriðjudaginn 8. desember næstkomandi. Þeir íbúar sem vilja óska eftir tíma hjá Magnúsi er bent á að hafa samband við Maríu Játvarðardóttur félagsmálastjóra Stranda og Reykhólahrepps með því að senda á hana póst í netfangið felagsmalastjori@strandabyggd.is .