Kynningarfundur um framhaldsdeild í Strandabyggð verður haldinn í Félagsheimilinu á Hólmavík kl. 18:00 fimmtudaginn 21. febrúar nk. Fundurinn er opin öllum íbúum Strandabyggðar og íbúar úr nágrannasveitarfélögum eru einnig hjartanlega velkomnir. Á fundinum mun Þorkell Þorsteinsson, aðstoðarskólameistari Fjölbrautaskóla Norðurlands vestra, fara ítarlega yfir alhliða starfsemi deildarinnar og Rakel Runólfsdóttir umsjónarmaður dreifnáms FNV á Hvammstanga mun kynna hvernig til hefur tekist með uppbygginguna þar.

Guðrún Helga Magnúsdóttir og Ragnar Bragi Ægisson, framhaldsskólanemar á Hvammstanga segja frá því hvernig er að vera nemandi í dreifnámi og Andrea Kristín Jónsdóttir sveitarstjóri Strandabyggðar mun skýra frá undirbúningi heima í héraði. Auk kynninganna verður að sjálfsögðu tekið við fyrirspurnum úr sal. Allir að mæta!

Tómstundafulltrúi Strandabyggðar, Arnar Snæberg Jónsson, verður í leyfi vikuna 11.-15. febrúar. Þeir sem þurfa að koma brýnum erindum til hans geta sent tölvupóst í netfangið tomstundafulltrui@strandabyggd.is.

Fundur verður haldinn í sveitarstjórn Strandabyggðar þriðjudaginn 12. febrúar 2013, kl. 16.00 í Hnyðju
...
Meira

Eitt af hlutverkum grænfánaverkefnisins hjá Grunnskólanum á Hólmavík er að efla lýðheilsu nemenda. Eitt af tækifærunum sem við nýtum okkur til þess er að bjóða nemendum að taka þátt í Lífshlaupinu sem er heilsu- og hvatningarverkefni ÍSÍ.

Verkefnið höfðar til allra aldurshópa og eru landsmenn allir hvattir til þess að huga að sinni daglegri hreyfingu og auka hana eins og kostur er þ.e. í frítíma, heimilisverkum, vinnu, skóla og við val á ferðamáta. Lýðheilsustöð, nú embætti landlæknis, gaf út í fyrsta skipti árið 2008 ítarlegar ráðleggingar um hreyfingu. Börnum og unglingum er ráðlagt að hreyfa sig í minnst 60 mínútur á dag og fullorðnum í minnst 30 mínútur á dag.

 

Umhverfisnefnd Grunnskólans á Hólmvík ákvað á síðasta fundi sínum að skora á alla starfsmenn fyrirtækja í Strandabyggð til að taka þátt í verkefninu og skrá sig í einstaklings- eða vinnustaðakeppni. Hægt er að skrá sig inná vefnum lifshlaupid.is og er þar að finna nánari upplýsingar um verkefnið. Keppnin hefst á morgun 6. febrúar og stendur vinnustaðakeppnin til 26. febrúar. Einstaklingskeppnin er í gangi allt árið.

Koma svo ALLIR MEÐ!!!!

Næsta miðvikudag, þann 6. febrúar, verður dagur leikskólans haldinn hátíðlegur í leikskólum víða um land. Leikskólinn Lækjarbrekka er þar engin undantekning, en þar verður opið hús frá kl. 9:00-11:00 og 14:00-16:00. Vakin er sértök athygli á því að frá kl. 10:00-11:00 verða börn fædd 2009 og 2010 í hreyfistund í íþróttahúsinu.

Í tilkynningu frá Lækjarbrekku kemur fram að allir sem áhuga hafa á að koma og skoða leikskólann og starfsemina sem þar fer fram eru hjartanlega velkomnir í heimsókn. Við hvetjum íbúa Strandabyggðar til að fjölmenna á dag leikskólans!