Í ljósi umfjöllunar um kynferðisbrotamál í Kastljósi undanfarna daga vilja félagsþjónustur á Vestfjörðum (Félagsþjónustan við Djúp, Félagsþjónusta Ísafjarðarbæjar, Félagsþjónusta Stranda- og Reykhólahrepps og Félagsþjónustan í Vestur-Barðastrandarsýslu) leggja áherslu á mikilvægi þess að þeir sem hafa orðið fyrir slíkri reynslu fái viðeigandi aðstoð og stuðning. Félagsmálastjórar á Vestfjörðum, veita aðstoð í slíkum málum og þeir sem vilja eru hjartanlega velkomnir til viðtals. Jafnframt er bent á samtökin Stígamót eða Sólstafi Vestfjarða.

 

Elsa Reimarsdóttir, félagsmálastjóri í Vesturbyggð

Guðný Hildur Magnúsdóttir, félagsmálastjóri í Bolungarvík og Súðavík

Hildur Jakobína Gísladóttir, félagsmálastjóri Stranda- og Reykhólahrepps

Margrét Geirsdóttir, sviðsstjóri fjölskyldusviðs Ísafjarðarbæjar

Flughálka er nú á vegum í dreifbýli í Strandabyggð samkvæmt korti Vegagerðarinnar. Þá er mikil hálka innanbæjar á Hólmavík. Starfsmenn Áhaldahúss vinna nú hörðum höndum að hálkuvörnum í bænum og forgangsraða fjölförnum og erfiðum svæðum. Eru bæði gangandi og akandi vegfarendur á Ströndum hvattir til að fara varlega. Áhugasömum er bent á að mannbroddar fást nú í Kaupfélagi Steingrímsfjarðar á Hólmavík sem geta komið sér vel við þessar aðstæður þar sem flughálir blettir leynast víða.

Leikskólinn Lækjarbrekka auglýsir eftir leikskólakennara/leiðbeinanda í 62,5% starf og er vinnutíminn 8:00-13:00....
Meira

Skrifstofa Strandabyggðar verður lokuð á hefðbundnum frídögum yfir jólin (jóladag, annan í jólum og nýársdag), auk þess sem lokað verður aðfangadag og gamlársdag.

Opið verður á hefðbundnum opnunartíma kl. 10:00-14:00 dagana 27. og 28. desember. Sveitarstjóri, félagsmálastjóri og tómstundafulltrúi verða ekki við á skrifstofunni þessa daga. Félagsmálastjóri verður við alla fyrstu vikuna á nýju ári, þ.e. 2.-4. janúar frá kl. 8:00-16:00.