Nú stendur yfir rannsókn á áhrifum af nokkrum sameiningum sveitarfélaga. Hluti af því er að gera könnun meðal íbúa í nokkrum sveitarfélögum sem hafa sameinast á síðustu árum. Að þessu sinni er um vefkönnun að ræða og feta umsjónarmennirnir, Grétar Þór Eyþórsson og Vífill Karlsson hjá Háskólanum á Akureyri, sig áfram með að nýta samfélagsmiðlana eins og Fésbókina, rafræna fréttamiðla og fleira....
Meira

Strandabyggð óskar öllum gleðilegrar þjóðhátíðar og minnum á að Umf. Geislinn opnar fyrir sölu á blöðrum og býður upp á andlitsmálun barna í félagsheimilinum kl. 12.  Skrúðganga hefst síðan kl. 14 og skemmtun í kirkjuhvammi skömmu síðar.

Meistaranám iðnaðarmanna, almennur hluti, verður kennt á næsta skólaári, ef næg þátttaka fæst.  Gert er ráð fyrir að nám fari fram síðdegis og kennt verði í gegnum fjarfundabúnað utan Skagafjarðar. Umsóknarfrestur er til 25. júní.

 

Nánari upplýsingar og skráning í síma 455-8000.

 

Skólameistari.

Laugardaginn 15. júní verður haldinn hreinsunardagur á Hólmavík.  Þá er kjörið tækifæri fyrir íbúa kauptúnsins að hreinsa í kringum hús sín og á opnum svæðum í hverfum sínum og sjá til þess að bærinn verði skínandi hreinn og fínn. 

 Forsvarsmenn fyrirtækja í bænum eru ennfremur hvattir til að hreinsa og fegra umhverfi sitt eins og mögulegt er. 

Tökum á móti sumri  með hreinum og snyrtilegum bæ.

 

Starfsmenn Áhaldahúss munu fara um bæinn á laugardaginn og hirða garðaúrgang og rusl á eftirfarandi tímum:

-14:00 Bláa hverfið

-15:00 Appelsínugula hverfið

-16:00 Rauða hverfið

Esther Ösp Valdimarsdóttir, nýr tómstundafulltrúi Strandabyggðar er nú tekin til starfa. Hún mun sinna 50% starfi í júní og júlí en fullu starfi frá og með ágústmánuði. Hún og Salbjörg bera sameiginlega ábyrgð á skipulagningu Hamingjudaga þetta árið. Hægt er að ná í Esther Ösp í netfanginu tomstundafulltrui@strandabyggd.is eða í síma 849-8620. Viðvera á skrifstofu er eftir samkomulagi fyrst um sinn.