Helstu verkefni og ábyrgð
* Skipulagning á frístundastarfi.
* Leiðbeina börnum í leik og starfi.
* Samráð og samvinna við börn og starfsfólk.
* Samskipti og samstarf við foreldra og starfsfólk skóla og aðra sem koma að starfinu.
Hæfniskröfur
* Menntun eða reynsla sem nýtist í starfi.
* Áhugi á að vinna með börnum.
* Frumkvæði og sjálfstæði.
* Færni í samskiptum.
Strandabyggð auglýsir eftir aðilum sem sannanlega ætla að koma á ljósleiðaratengingu fyrir heimili og fyrirtæki á Hólmavík á árunum 2024-2026 eða hafa áhuga á að tengja þau staðföng á Hólmavík sem Fjarskiptasjóður metur styrkhæf skv. skilmálum sjóðsins frá 2. júlí 2024 gegn því að þiggja þann styrk sem Fjarskiptasjóður býður.
Þau fjarskiptafyrirtæki sem hafa staðfest áform um slíkt eða áhuga á að tengja viðkomandi staðföng skv. ofangreindum forsendum eru beðin um að senda upplýsingar þar um á netfangið strandabyggd@strandabyggd.is merkt "ljósleiðari" fyrir 20. ágúst 2024.
Þorgeir Pálsson
oddviti
Nú um helgina var haldin hér á Hólmavík fjölskylduskemmtunin „Sameinumst á Ströndum“. Þetta er ný skemmtun og það verður að segjast, að hún tókst frábærlega. Gleði og jákvæðni einkenndu þessa daga. Íbúar tóku virkan þátt og síðan var stór hópur utanbæjarfólks sem einnig tók þátt.
Dagskrárliðir voru fjölbreyttir og allir aldurshópar fengu eitthvað við sitt hæfi. Má nefna að boðið var upp á kjötsúpur og raunar aðrar súpur líka á sjö stöðum í þorpinu, pubbkviss, það var skemmtiskokk, hægt að fara á hestbak, loppumarkaður, loftboltar, hoppukastali, andlitsmálun, kandiflos, grillaðar pylsur, leikir á Galdratúninu, golfmót, ungmennaskemmtun í tónlistartjaldi fyrir eldri krakkana, harmonikuball í Bragganum, brekkusöngur og Mugison, sem var með tónleika í kirkjunni, tók þátt þar líka, pæju og pollamót í fótbolta, boccia mót og messa í Tröllatungu. Þá voru opin hús hjá Vilja fiskverkun og listakonunni Rut Bjarnadóttur. Vonandi gleymist ekkert í þessari annars löngu og fjölbreyttu upptalningu.
Svona skemmtun verður ekki til af sjálfu sér. Það komu margir að skipulagningu og framkvæmd þessarar skemmtunar og þar fóru fremst í flokki Jón Halldór Kristjánsson (Nonni í Strandafrakt), Ragnheiður Ingimundardóttir, Þórey Hekla Ægisdóttir, Guðrún Júlíana Sigurðardóttir, Einar Indriðason og margir fleiri.
Það sem er svo ánægjulegt við þessa framkvæmd, er að hér var frumkvæðið hjá íbúum, fólki sem vildi skemmta sér heima hjá sér og endurvekja gleðina sem fylgir bæjarskemmtunum. Frábært framtak og vel unnið í alla staði. Til hamingju aðstandendur og allir sem lögðu hönd á plóg og til hamingju íbúar með nýju bæjarskemmtunina!
Áfram Strandabyggð!
Sveitarstjórnarfundur 1367 í Strandabyggð
Fundur nr. 1367 í sveitarstjórn Strandabyggðar verður haldinn þriðjudaginn 13.ágúst kl. 16.00 í Hnyðju, Höfðagötu 3, Hólmavík.
Fundardagskrá er svohljóðandi:
Gert er ráð fyrir að eftirtaldir sveitarstjórnarmenn sitji fundinn:
Þorgeir Pálsson
Sigríður Guðbjörg Jónsdóttir
Óskar Hafsteinn Halldórsson
Matthías Sævar Lýðsson
Hlíf Hrólfsdóttir
Strandabyggð 9. ágúst
Þorgeir Pálsson oddviti
